या अनुदानामुळे मतदार संघातील नागरिकांच्या जीवनमानात सुधारणा होईल आणि सामाजिक विकासाला गती मिळेल, अशी अपेक्षा आहे.
माननीय आमदार रामदासजी मसराम यांनी इतर मागास व बहुजन विकास मंत्री श्री अतुल सावे साहेब याचे विभागाशी पत्राद्वारे पाठपुरावा केल्यामुळे, आरमोरी विधानसभा मतदार संघातील यशवंतराव चव्हाण मुक्त वसाहत योजनेंतर्गत 2023-24 आणि 2024-25 या वर्षांसाठी कार्योत्तर मान्यता देण्यात आलेल्या घरकुलांसाठी निधी उपलब्ध करण्याबाबत शासन निर्णय आज काढण्यात आला आहे. या निर्णयामुळे मतदार संघातील मंजूर लाभार्थ्यांसाठी एक कोटी रुपयांचे अनुदान मंजूर करण्यात आले आहे.
या अनुदानामुळे मतदार संघातील अनेक कुटुंबांना घरकुलांचे स्वप्न पूर्ण करण्यासाठी आर्थिक सहाय्य मिळणार आहे. आमदार मसराम यांच्या अथक प्रयत्नांमुळे हा निधी मंजूर झाला आहे, ज्यामुळे स्थानिक विकासाला चालना मिळेल.
आमदार मसराम यांनी या यशाबद्दल समाधान व्यक्त केले असून, ते म्हणाले की, "मतदार संघातील नागरिकांच्या कल्याणासाठी आम्ही सतत प्रयत्नशील आहोत. हा निधी मंजूर झाल्यामुळे अनेक कुटुंबांचे घरकुलांचे स्वप्न साकार होईल."
लाभार्थ्यांनीही या निर्णयाचे स्वागत केले आहे आणि आमदार मसराम यांच्या प्रयत्नांचे कौतुक केले आहे.
या अनुदानामुळे मतदार संघातील नागरिकांच्या जीवनमानात सुधारणा होईल आणि सामाजिक विकासाला गती मिळेल, अशी अपेक्षा आहे.
0 Comments