"कोंढाळ्या गावच्या सरपंच आता थेट दिल्लीच्या लाल किल्ल्याच्या मंचावर – श्रीमती अपर्णा नितीन राऊत यांना स्वातंत्र्य दिनी राष्ट्रीय गौरवासाठी खास आमंत्रण"

"Kondhalya’s Sarpanch to Take the Stage at Delhi’s Red Fort – Mrs. Aparna Nitin Raut Receives Special Invitation for National Recognition on Independence Day"

Every year, on Independence Day, the historic Red Fort in Delhi hosts a grand flag-hoisting ceremony. In this prestigious event, village heads from across the country who have achieved remarkable accomplishments are given the honor of participating in the presence of the Prime Minister.

देसाईगंज (गडचिरोली) – दरवर्षी स्वातंत्र्य दिनानिमित्त दिल्लीच्या ऐतिहासिक लाल किल्ल्यावर ध्वजवंदनाचा भव्य कार्यक्रम होतो. या सोहळ्यात देशभरातून उल्लेखनीय कामगिरी केलेल्या सरपंचांना पंतप्रधानांच्या उपस्थितीत सहभागी होण्याची संधी दिली जाते. यावर्षी, 15 ऑगस्ट रोजी होणाऱ्या या कार्यक्रमासाठी महाराष्ट्रातील तब्बल 17 सरपंचांची निवड झाली आहे. या यादीत सोलापूर, नागपूर, पुणे, अकोला, ठाणे, वाशिम, गडचिरोली, अहील्यानगर, गोंदिया, भंडारा, रत्नागिरी, परभणी, सातारा, अमरावती, लातूर, सांगली आणि जळगाव या जिल्ह्यांतील सरपंचांचा समावेश आहे.

गडचिरोली जिल्ह्यातील देसाईगंज तालुक्यातील कोंढाळा ग्रामपंचायतीच्या सरपंच अपर्णा नितीन राऊत यांचीही या मानाच्या यादीत निवड झाली आहे. ही निवड केवळ त्यांच्यासाठीच नव्हे, तर संपूर्ण गाव, तालुका आणि जिल्ह्यासाठी अभिमानाचा क्षण ठरला आहे.

अपर्णा राऊत यांच्या नेतृत्वाखाली कोंढाळा ग्रामपंचायतीने गावाच्या सर्वांगीण विकासासाठी अनेक उपक्रम राबवले आहेत. यात स्वच्छ भारत मिशन, घरकुल योजना, हागणदारीमुक्त मोहीम, वृक्षलागवड मोहीम, जलजीवन मिशनद्वारे शुद्ध पाणीपुरवठा, महिलांच्या स्वावलंबनासाठी उपक्रम, युवकांसाठी अभ्यासिका उभारणी, तसेच नियमित आरोग्य शिबिरे यांचा समावेश आहे. विविध मंत्रालयांमधून निधी मिळवून हे प्रकल्प यशस्वीपणे राबवण्यात त्यांनी पुढाकार घेतला आहे.

त्यांच्या या सातत्यपूर्ण प्रयत्नांमुळे कोंढाळा ग्रामपंचायत ‘यशवंत’ म्हणून ओळख मिळवू लागली आहे. आता, लाल किल्ल्यावर होणाऱ्या राष्ट्रीय सोहळ्यात त्यांचा गौरव होणार असून, हा सन्मान फक्त स्वातंत्र्य दिनाच्या उत्सवापुरता मर्यादित नाही—तर तो गावाच्या प्रगतीसाठी अथक परिश्रम घेणाऱ्या स्थानिक नेतृत्वाचा सन्मान आहे.

कोंढाळ्या गावासाठी हा सन्मान म्हणजे जणू इतिहासाच्या पानावर सुवर्णाक्षरांनी कोरलेला क्षण आहे.

गडचिरोलीसारख्या दुर्गम भागातील एका लहानशा गावातून निवड होऊन, आपल्या सरपंच श्रीमती अपर्णा नितीन राऊत यांना थेट दिल्लीच्या लाल किल्ल्याच्या मंचावर स्थान मिळणं ही केवळ त्यांची वैयक्तिक कामगिरी नाही, तर संपूर्ण गावाच्या मेहनतीची, एकतेची आणि प्रगतीची राष्ट्रीय पातळीवर घेतलेली दखल आहे. 

स्वच्छता, पाणीपुरवठा, महिला सक्षमीकरण, तरुणांसाठी अभ्यासिका, वृक्षलागवड यांसारखे उपक्रम गावात बदल घडवून आणत गेले, आणि त्याचाच परिपाक म्हणजे हा मानाचा सन्मान.

१५ ऑगस्टच्या राष्ट्रीय सोहळ्यात आपल्या गावाचं नाव लाल किल्ल्याच्या मंचावरून झळकणं, हे प्रत्येक कोंढाळ्यावासीयाच्या हृदयात अभिमानाचा ज्वालामुखी पेटवणारं आहे.